Guagliuni, cotrati, ziterhi, himmani e omini,
monaci, previti, cavaleri e tamarri,
pecurari, zappaturi, latri e carbineri,
paisani, forasteri, zingari e cotraschiuni,
cominciati u vi faciti venira nu spanticu,
veniti addunativi spissiati spiati,
ciangiti e riditi a secundu e comu vi snuda,
CA UN NANNU
SI STACIA SENTENDU NU GNICCHIU MALA,
li dola a panza,
ava a guallera,
quando vol’ u vacia e corpu è ‘mburatu,
e quando piscia li vruscia.
Vinnaru centu medici do spitali,
cu ducentocinquanta ‘mpermeri,
u giraru e u votaru,
li hiciaru setta pompetti,
li zziccaru quattordici pinnuli,
s’ingiuttiu vintunu sciroppi:
nenta, si senta sempra cchiù na chiavica.
A forz’u s’abbuffa da matina a la sira,
pruppetti, pruppuni, frittuli e frisulimiti,
e certi cannatuni e vinu.
E non vi cuntu de himmani…
vecchiu com’esta, non si ‘nda guarda mai.
Chi atru vaj’e dira? è nto lettu,
e ‘mbeci do medicu quasi quasi chiamamu lu previti.
Comu vacia a finira non si sapa:
vidimi si schiatta o puramenti si campa.
Stacit’attenti a li manifesti, ca vi lu facimu sapira.
